Urtarrilean Afrikako Historia izan genuen gurean; otsailean euskal musikari egin diogu tartea… eta martxoan badator “Emakumea historian eta emakumeen historia” lehiaketa euskarazko Wikipediara. 1.000 artikulutik gora lantzeko aukera egongo da, historian garrantzia izan duten hainbat emakume zein emakumeen historia lantzen dutenak. Lau sari izango dira oraingoan, gaiari lotutako euskarazko entseguak. Parte hartzeko aukera duzu https://eu.wikipedia.org/wiki/Atari:Hezkuntza/Lehiaketak/2018/03 helbidean.

Gehiago irakurri

Hezkuntza Programa abiatu genuenean jakintza eremu guztietako adituak behar genituela ikusi genuen kalitatezko artikuluak eskaini nahi baditugu, behintzat. Literaturako eremuari arreta berezia jarriko diogu 2018 honetan, hiru ekimen zehatzekin. Horietatik lehena literatura unibertsala liburuzainekin lantzeko proposamena izango da. Horretarako lehen genuen 30 artikuluen zerrenda hedatu eta 140 gairen zerrenda berritua argitaratu dugu gaur.

Gehiago irakurri

Hezkuntza Programa martxan jarri genuenean, hainbat proiektu Creative Commons lizentziapean jartzeko lanean hasi ginen. Tartean, Berriak egindako hiru proiekturen testua askatzea jarri genuen helburutzat: Espainiako Gerra Zibilari buruzko Oroiteria, GAL 30 urte eta Badok.eus. Azken hau otsailaren 1ean hasiko den #MusikaLehiaketa hilabeteko lehiaketan erabiltzeko tresna ezinbestekoa izango da. Lehiaketa jarri dugu martxan, bai… eta bideo honekin iragarri nahi dugu:

Gehiago irakurri

EWKEn martxan jarri dugun Hezkuntza Programaren baitan Bigarren Hezkuntzako ikasleei kontzeptuak errazteko bideak ireki nahi izan ditugu. Matematikan 100 kontzepturen inguruan ari gara lanean, askotan erraz azaltzea kostatzen zaizkigunak. Bertsolari eta matematikari den Jone Uriari bota genion erronka: posible litzateke zerrenda horretako kontzeptu batzuk bertso bidez azaltzea? Eta hau da emaitza:

Gehiago irakurri

Zer da zetonemia? Eta txoriandre pispoleta? Ba al dakizu zer den errabdomero bat? Elhuyarren Zientzia eta Teknologia hiztegiak milaka sarrera ditu, euskarazko terminoak eta euren gaztelania, frantses eta ingelesezko ordainekin, eta EWKEk Elhuyar Fundazioarekin egindako akordioari esker, horietatik 6.500 dagoeneko igo dira Wikidatara. Deskribapen labur horiekin onura handiak izango ditugu Wikipedian zein Elhuyarren, baina batez ere egunero termino espezializatuen esanahia bilatzen duten erabiltzaileak izango dira onuradun nagusiak.

Gehiago irakurri

Eusko Jaurlaritzarekin egiten ari garen Hezkuntza Proiektuaren baitan EHUren Fakultate ezberdinetan aurkezpenak egin ditugu abenduan zehar. Letren Fakultatean egindako bileratik proposamen bat jaso genuen: ikasleek egin behar dituzten praktika gisa artikulu sorta batzuk sortu, zuzendu edo itzultzeko eskaria luzatzea. Gaur bertan martxan jarri da eskaintza, EHUk duen GAUR sistema bidez, otsaila eta martxoan zehar 4 ECTS kreditu lortzeko bidea emanez nahi duten ikasleei.

Gehiago irakurri

Wikipedian hainbat hutsune ditugu, eta horietako batzuk estaltzen saiatuko gara abian dugun Hezkuntza Programaren baitan martxan jarri dugun hilabeteroko lehiaketarekin. Afrikako historiarekin hasiko gara, baina beste hainbat gai jorratuko ditugu aurten: dinosauroetatik gastronomiara, emakumeen historiatik giza anatomiara eta sexualitatetik langile mugimenduaren historiara. Sari bereziak izango dira hilabetero, edizio kopurua kontutan hartuta, norvegierazko Wikipedian diseinatutako bot bat erabilita.

Gehiago irakurri

Argazkia: EHUren Gasteizko Campuseko liburutegia. Egilea: Zarateman.

12-16 urteko ikasleengan pentsatuz  kalitatezko artikuluak eskaintzeko abiatu dugun Hezkuntza Programak hitzordu garrantzitsua izango du abenduaren 11 eta 12an EHUk duen Gasteizko Campusean. Bertan, bi egunez, fakultate eta eskola guztietan egingo ditugu aurkezpenak, interesa eduki dezaketen irakasleekin proiektuak garatzeko aukerak aztertzeko. Helburua bigarren lauhilabetean ehunka ikasle ezagutza argitaratzen jartzea da. Wikipedia eta inguruko proiektuetan lana egin nahi dugu, eta hainbat proposamen daramatzagu gainean bilera horietarako.

Gehiago irakurri

Hezkuntza Programaren barruan 12-16 urteko ikasleentzako edukiak sortzeko prozesua hastera goazen honetan, egin ditugu hainbat programa-piloto gure ideiak nola funtzionatzen duen ikusteko. Horietako bat EHUko Kimika Fakultateko “Geologia orokorra” ikasleekin egin dugu, euren ikasgaiaren barruan egin ohi duten lana Wikipediara bideratuz. 47 ikaslek hartu dute parte, 20 artikulu hedatuz. Hilabete baten buruan 52.300 hitz berri gehitu dituzte artikulu hauetan, 270.000 karaktere baino gehiago. Artikuluetako batzuk bereziki hedatu dituzte, adibidez mineral, silikato edo oso kontsultatua den Lurraren egitura.

Gehiago irakurri