Euskal WikiEmakumeok I.Topaketa Beasaingo Igartzako jauregian egin zen 2026ko martxoaren 7an. Topaketa Euskal Herriko 25 txokoetatik hurbildutako emakumeen topagune izan zen. Beasainen Aittu! Euskara Elkarteak sortu berri duen Beasainpedia proiektuaren testuinguruan sortu da WikiEmakumeok taldea eta bere lehen pausoak ematen dabil. Hasiera honetan Euskal WikiEmakumeok sarean elkar ezagutzeko eta elkarlana indartzeko topaketarik inoiz egon ez dela ikusita, lehena antolatzea erabakitzen da Durangoaldeko, Oarso-Bidasoako eta Ondarroako WikiEmakumeokekin elkarlanean.
Author: admin
Euskal Wikilarion II. Topaketa egin dugu
Joan zen urtarrilaren 24an Euskal Wikilarion II. Topaketa egin genuen Gasteizen dagoen Arabako Arkeologia Museoan. Hogeita hamabost wikilari inguruk hartu genuen parte batzar orokorrarekin hasi eta hainbat ikastaro eta hitzaldi izan zituen egun osoko jardueratan.
Euskal Wikilarion topaketa, urtarrilaren 24an Gasteizen
Euskal Wikilarion Kultura Elkarteak urtero egiten duen batzarrarekin batera, egun osoko egitaraua antolatu dugu urtarrilaren 24an Gasteizen. Hitzaldiak, ikastaroak eta editatoia egingo dugu Arabako Arkeologia Museoan, Aiztogile kalean. Gurekin batera Wikipedia eta bere inguruko proiektuei buruz gehiago ikasi nahi baduzu, etor zaitez, lekua egingo dizugu eta.
Euskal Herriko historia 100 objektutan aurkeztu dugu Lisboan eta Mexikon
Urriko azken egunetan Lisboan egin den GLAM Wiki konferentzian eta Mexiko Hirian egin den WECUDI konferentzian izan gara “Euskal Herriko historia 100 objektutan” proiektua aurkezten. Entzuleek interes bereziarekin jarraitu dituzten hitzaldiak, eta proiektu berritzailea dela goraipatu dute.
Udan, Txikipedia zuzentzeko lehiaketa
Azken urteotan milaka ikaslek lan nabarmena egin dute Txikipedian ia 9.000 artikulu izan ditzagun. Euren irakasleen gidaritzapean, milaka artikulu sortu dituzte, gertuko zein urruneko gaiak azalduz. Zorionez, Txikipedia hezkuntzarako tresna da gaur egun.
Baina ikasleek idatzitako testu horietako askok akatsak dituzte, gramatikan, ortografian edo azalpenari dagokionez. Horregatik Euskal Wikilarien Kultura Elkarteak Txikipediako artikuluak zuzentzeko lehiaketa abiatu du 2025eko udan, ekainaren 24tik abuztuaren 31ra bitarte.
Txikipediako artikuluak zuzendu, puntuak lortu eta sari ederrak lortu nahi badituzu, hemen duzu lotura: https://eu.wikipedia.org/wiki/Atari:Hezkuntza/Lehiaketak/Txikipedia_zuzendu. Txikipediako irakurleek eskertuko dizute!
Bideojokoen munduan barneratzen ikas-egoera argitaratu dugu
EWKEk eta Talaios Kooperatibak bosgarren ikas-egoera argitaratu dugu, “Bideojokoen munduan barneratzen” izenekoa. Etorkizun utopiko edo distopikoak pentsatu, bideojokoekin lotu eta euskaraz dagoen eskaintza aztertzetik abiatzen da ikas-egoera. Game Erauntsiaren laguntzarekin, euskarazko bideojokoen ingurukoak Wikipedian idatzi eta ikasleek aukera izango dute Luanti erabilita euren mundua diseinatzeko.
Estoniari buruzko 185 artikulu berri sortu ditugu apirilean
Apirilean Wikimedia Estoniarekin batera herrialde horri buruzko artikuluak hobetzeko lehiaketa abiatu genuen. Ekimenaren parte izan dira, euskarazkoarekin batera, gaztelaniazko, katalanezko eta galegozko Wikipediak ere. Lehiaketa arrakastatsua izan da, 185 artikulu berri eta 52.000 hitz baino gehiago gehituta, Estoniako kultura, politika, geografia edo erakundeei buruz.
Estoniari buruzko erronka abiatu dugu
Wikimedia Estoniarekin batera, apirilean Estoniari buruz idazteko erronka eta lehiaketa abiatu dugu. Otsailean Marokori buruz egin genuenaren antzera, oraingoan Estoniari buruzko 150 gai ekarri ditugu, Wikimedia España, Amical Wikimedia eta Galipediarekin batera egindako ekimenean. gure helburua euskaraz, gaztelaniaz, katalanez eta galizieraz ez dauden 150 gai horiei buruz idaztea da, Baltikoko herrialdeari buruzko informazioa hedatuz.
Euskarazko Wikipedian, hirutik bat emakume
Irudia: Niessengo emakumeen 10. senidetzen eguna, 1960.
Ez da lorpen makala: Euskarazko Wikipediak 24. postua lortu berri du emakume biografia kopuruan, 24.000 emakume baino gehiago jasota, hebreera gaindituz. Datu hauekin, 50.000 biografia baino gehiago dituzten hizkuntzen artean lehenengoa da emakumeen ehunekoan, %32,8-rekin. Etengabeko hazkuntza horren atzean wikilari askoren lana dago, tartean WikiEmakumeok taldeek egindako esfortzu itzela.
Marokori buruzko ezagutza hedatzen
-16.jpg){kind=link}
Otsailaren bigarren erdian Marokoko Darija Wikipediako kideekin (hau da, Marokoko arabiera darabilen entziklopedia egiten dutenekin) batera Euskal Herriari buruzko gaiak bertan emateko eta Marokori buruzkoak euskarazko Wikipedian hobetzeko lanean egon gara wikilariok. Oraindik abiatu dugun edizio lehiaketa amaitu ez bada ere, dagoeneko 100 artikulu baino gehiago sortu eta beste hamarnaka hobetu ditugu, guztira (lerro hauek idazterakoan) 640.000 kilobyte eta 31.500 hitz gehituta euskarazko Wikipedian. Tartean, Marokoko kultura, hizkuntzak, geografia, komunikabideak eta hainbat biografia gehitu ditugu.