Amaitu da Gure arbasoak eboluzioaren gaineko Ikusgelaren bideo-sortaren lehen denboraldia. Galder Gonzalez wikilaria izan da sortako gidoilaria eta aurkezlea.
Eboluzioa, maiz, zelulatik gizakirako norabidean azaltzen da, eskaileraren metaforarekin ikuspegi faltsu bat emanez (gizakia da eboluzioaren helburua). Sail honetan eskailera albo batera utzi da, eta beste metafora hobe bat bilatu da: zuhaitza. Pentsa hosto bat espezie bat dela. Izan daiteke gizaki bat, sagu bat, onddo bat edo kaktus bat. Hosto horretatik izaki bizidun guztien zuhaitzera bidaia bat abiatu du lehen denboraldiak. Hau da, eboluzioa orainalditik iraganera ikusten joan gara sail honetan, gizakian hasi, eta atzeraka, gero eta bidaide gehiago aurkituz.
Bideo guztiak: Wikipedia / Youtube / Peertube
Hau da giza eboluzioa ulertzeko bildumaren lehen denboraldiak proposatutako bidea, eta bideo bakoitzean aipatzen diren Wikipediako artikuluak:
Eduki aholkularitzan EHUko Kultura Zientifikoko Katedrako adituen laguntza izan dugu eta bideoak Hiru Damatxo ekoiztetxeak egin ditu.
Orain, bigarren denboraldia martxan jartzeko unea heldu da.