Argazkia: EHUren Gasteizko Campuseko liburutegia. Egilea: Zarateman.
12-16 urteko ikasleengan pentsatuz kalitatezko artikuluak eskaintzeko abiatu dugun Hezkuntza Programak hitzordu garrantzitsua izango du abenduaren 11 eta 12an EHUk duen Gasteizko Campusean. Bertan, bi egunez, fakultate eta eskola guztietan egingo ditugu aurkezpenak, interesa eduki dezaketen irakasleekin proiektuak garatzeko aukerak aztertzeko. Helburua bigarren lauhilabetean ehunka ikasle ezagutza argitaratzen jartzea da. Wikipedia eta inguruko proiektuetan lana egin nahi dugu, eta hainbat proposamen daramatzagu gainean bilera horietarako.