Urtero ehunka proposamen berri aurkezten dira Durangoko Azokan: diskak, liburuak, aldizkariak, antzerkia… Azoka bat da, baina sortzaileak biltzeko gune bat ere bada. Urtero ehunka sortzailek euren proposamenak aurkezten dituzte Durangon, eta sortzaile horien guztien argazkiak ez ditugu libre, Euskarazko Wikipedian, adibidez, erabili ahal izateko. Azkue Fundazioarekin batera egoera honi buelta emateko soluzio bat eskainiko dugu aurten Durangoko Azokan bertan: Photocall bat. Kulturgileak animatu nahi ditugu bertan argazkia egitera, kultura libreki hedatu ahal izateko.
Author: admin
Abenduaren 8an Wikipedia Eguna Durangoko Azokan
Durangoko Azoka dator, urtero kultura eta sorkuntzarekin dugun zita garrantzitsua. Aurten 400 berrikuntza izango dira eskuragarri bertan, baita zuzeneko 200 ekitaldi baino gehiago ere. Tartean, Euskal Wikilarien Kultura Elkarteak abenduaren 8an Wikipedia Eguna antolatu du Kabi@ gunean.
Itzulpengintza ikasleak, itzulpengintzaz
EHUren Letren Fakultateko itzulpengintza ikasleek “Euskarazko Wikipedia: edizioa, itzulpena” jardunaldian hartu zuten parte, “Axun Aierbe VIII. Itzulpen Mintegiaren” baitan egindako ekimena. Goizeko 9etatik hasita eta egun osoan zehar 28 ikaslek itzulpengintza, hizkuntzalaritza eta euskarara ekarritako obren inguruko artikuluak landu zituzten.
WikiLovesMonuments 2017: argazki irabazleak
722 argazki jaso genituen WikiLovesMonuments lehiaketan. Argazkilari profesional batek eta komunikabide bateko editore batek osatutako epaimahaiak lehenengo galbahea egin zuen, 26 argazki aukeratuz bigarren errondarako. Argazki horiek 1etik 5era arte puntuatu behar izan dituzte, ondoren. Eta baditugu jada argazki irabazleak! Euskal Herriko, Bizkaiko eta Bilboko argazki onenei saria ematen zien Azkue Fundazioak. Argazki asko jaso genituen, eta hiru irabazleak Bizkaikoak dira.
Euskal Herriko onena: Egunsentia Gaztelugatxen.jpg
Egilea: Ebaki
Bizkaiko onena: Bizkaiko zubia gauez
Egilea: Igerrak Elkartea
Bilboko onena: San Anton eliza
Egilea: Igerrak Elkartea
Argazki hauek eta emaitzarik altuena lortu duten hurrengo 7ak nazioarteko txapelketara joango dira. Hauek dira hurrengo 7ak, berdinketa handi batekin.
Narros Jauregia
Egilea: Theklan
Donostiako udaletxea
Egilea: Edorta Subijana
Konstituzio plaza 03
Egilea: Edorta Subijana
Bizkaia zubia
Egilea: Ebaki
Konstituzio plaza 02
Egilea: Edorta Subijana
Zorrozako tailerrak
Egilea: Theklan
Jasokundearen Eliza Errenterian elurtua
Egilea: MerZab
WhoColor, talde-lanak ebaluatzeko tresna, euskaraz
Wikipediaren inguruan sortzen diren programak kudeatzeko tresna da “Dashboard“. Berarekin editatoiak edo ikastetxeetan egiten diren lanak kudeatzeko aukera dago, artikuluak esleitu eta gainbegiratzeko erraztasunak emanez. Ingelesezko artikuluen jarraipena egiteko WhoColor izeneko tresna erabiltzen du sistema honek. Orain euskaraz izango dugu, ingelesa ez den beste hizkuntza batean instalatzen lehenengoa.
Lehiaketa berria urrian: ibaien ondarea
Irudia: aherrero. cc-by-2.0
WikiLovesMonuments bukatzear dagoen momentu honetan lehiaketa berria martxan dela iragartzeko unea heldu da. Eusko Ikaskuntza eta Elhuyar Fundazioak bultzatutako Ondarebideak ekimenarekin batera ibaien paisaiari buruzko lehiaketa antolatu dugu. Argazki eta artikulu edizio lehiaketa izango da, eta Euskal Herriko ibaien eta euren inguruan gizakiek sortutako ondare eta jarduerei buruzko artikuluak aberastea da helburua.
Oarsopedia, Oarsoaldea eduki librez betetzeko
Jatorrizko testua: Erik Gartzia, Oarsoldeko hitza
Oarsopedia taldea sortu dute, eskualdeko gaiekin lotutako eduki libreak sortzeko. Gainera, WikiLovesMonuments mundu mailako lehiaketaren barruan, Oarsopedia Saria antolatu du estreinakoz.
Euskarazko Wikipedia eta Vikidia osatzeko tailerra Gasteizen
Irudia: Zarateman. CC-0.
EHUren Arabako Campuseko Errektoreordetzaren laguntzarekin, euskarazko Wikipediarako eta umeentzako euskarazko Vikidia online entziklopediarako artikuluak editatzeko jardunaldi bat antolatu dugu Gasteizko Letren Fakultatean datorren urriaren 25erako.
Azkue Fundazioarekin akordioa Bizkaian hainbat ekimen egiteko
EWKEk akordioa sinatu du Azkue Fundazioarekin besteak beste Bizkaiko hainbat herritan Wikipedia eta jakintza librea bultzatzeko. Ikasturte honetan zehar 10 herritan egingo ditugu hitzaldiak, eta lau herritan Herripediak egiteko asmoa dugu. Hementxe duzue Azkue Fundazioak akordioaren inguruan argitaratutako testua:
Euskarazko Wikipedia eta OpenStreetMap
Euskarazko Wikipedian artikuluak hobetzeko kartografia osatzen egon gara hasieratik bertatik. OpenStreetMapen ere milaka boluntariok euren ingurunearen mapak osatzeko lana hartu dute, mapa libre eta osatuak eskaintzen. Orain Kartographer luzapenari esker Euskarazko Wikipediako artikuluetan OSMko mapa dinamiko eta interaktiboak txertatzeko aukera dugu. Wikidatatik eskuratutako datuekin osatutako txantiloiekin batera, aurrerapauso handia artikuluak osatzeko lana errazago eta aberatasagoa egiteko garaian.