Pello Mari Otaño (1853-1910) euskal poeta aparta izan zen eta 2024an Patxi Bisquertek plazaratu zuen Ombuaren itzala filmak (2024) Otaño handi haren lana zabaldu nahi izan zuen. Hamaika urte eta ahalegin behar izan ziren film hori aurrera ateratzeko, beti ere crowdfundingez, lankidetzaz eta auzolanaz. Auzolan espiritu horri jarraipena emanez apirilean hainbat ekarpen egin ditugu Wikipedian, Pello Mari Otañori buruz, eta Ombuaren itzala filmari buruz.

Wikilariok orain dela hilabete hasi ginen lankidetzan Patxi Bisquert eta Kattalin Nobliarekin. 2026ko Korrika kulturalaren barruan Intxaurrondoko Kultur Etxean “Ombuaren itzala” filma proiektatu zutenean. Proiekzioa bukatuta, eztabaidan komentatu zen filmean agertzen diren bertsoen zerrenda bat gehitu zitekeela Wikipedian, bertso bakoitzaren azalpen txiki batekin. Esan eta egin, hurrengo egunetan hasi ginen eta azkenean bertsoen zerrenda bakarrik ez, beste hainbat xehetasun gehitu ditugu, baita filmeko hainbat irudi eta fotograma ere bai, eskuzabal jokatu baitute “Eguzki Art Zinema” enpresa ekoizleek irudien lizentziekin. Behean dago egin dugun ekarpenen zerrenda. Eta hori ere, filma bezala, AUZOLANEAN egin dugu. 🙂

Oraindik gehitu daitezke gauza batzuk Wikipedian: bertso gehiagorekin artikulu berriak sortzea (esaterako, ikus Alkar —1904), Otañotarren etxeko beste bertsolarien artikulua (osaba Joxe Bernardo, amona, aitona, aita…), filmean azaltzen diren bertsoen zerrenda osoa, filmeko beste pertsonaia eta pasarteren argazkiak igotzea (Uriarteren edo Iguaranen argazkiak…).

Hau izan da lehen bultzadatxo bat. Mesedez, wikilariok…  begiratu, zabaldu, osatu eta txukundu artikulu horiek. 

============================================================

ARTIKULUAK Wikipedian (hobetuta edo sortuta)

1. Ombuaren itzala
   
   • Pello Mari Otaño 
   • Kategoria:Pello Mari Otañoren bertsoak
     
     • Mutil koxkor bat
     • Amerikako panpetan
     • B-rekin
     • Alkar (Otaño)
     • Zerbait (Otaño)
     • Gu ta gutarrak (bertsoa)
     • Txepetxarenak
     • Zazpiak-bat (Otaño)
     • Aita-semeak (Otaño)
     • Euskaldunak Argentinan (Otaño)
     • Ameriketatik bueltan
     • Ongi-etorriya
   • Elizanburu-Etxahun-Otaño (Xabier Leteren albuma)
   • Aktoreak: Joseba Usabiaga, Sara Cozar , Ramon Agirre, Patxi Bisquert, Iñaki Beraetxe, Klara Badiola, Isidoro Fernández, Asier Hernandez Joseba Saleg, Eriz Alberd, Iraitz Lizarraga, Iñigo Aranburu

IRUDIAK – Commonseko 30 irudi baino gehiago kategoria hauetan: Ombuaren itzala, Pedro Mari Otaño, eta Patxi Bisquert
======================================================

Webgune interesgarriak

Material asko eta oso ona dago Otañoren lanarekin artikulu gehiago egiteko. Begiratu hemen:

• Ombuaren itzala filma PR1MERAN plataforman ikusgai.
• Ombuaren itzala filmaren webgune ofiziala.
• Euskitze, Xabier, Pedro Mari Otaño Barriola – Bidegileak 61. 2013
• «Elizanburu-Etxahun-Otaño» Xabier Lete www.badok.eus (kontsulta data: 2026-03-27).
• Pedro Mari Otaño, Literaturaren Zubitegian.
• Zerbait —1895— klasikoak.armiarma.eus
• Artzai mutilla —1900— klasikoak.armiarma.eus
• Alkar —1904— klasikoak.armiarma.eus
• Lora —1907— klasikoak.armiarma.eus
• Beste bertsoak —1895-1910, 1994— klasikoak.armiarma.eus
• Pello Mari Otaño , BDB bertsolaritzaren datu-basean
• Pello Mari Otaño (1857-1910). Zizurkilgo urteak, Euskonews
• PELLO MARI OTAÑO – Hernandorena Kultur Elkartea