Urtarrilean Afrikako Historia izan genuen gurean; otsailean euskal musikari egin diogu tartea… eta martxoan badator “Emakumea historian eta emakumeen historia” lehiaketa euskarazko Wikipediara. 1.000 artikulutik gora lantzeko aukera egongo da, historian garrantzia izan duten hainbat emakume zein emakumeen historia lantzen dutenak. Lau sari izango dira oraingoan, gaiari lotutako euskarazko entseguak. Parte hartzeko aukera duzu https://eu.wikipedia.org/wiki/Atari:Hezkuntza/Lehiaketak/2018/03 helbidean.

Gehiago irakurri

Matxin itzultzaile automatikoa da gaztelania > euskara itzulpenak egiteko dagoen tresnarik onena. Urteetako garapena izan du IXA taldea eta Elhuyarren aldetik, eta perfektua ez bada ere (itzultzaile automatikoak ez dira perfektuak) emaitza txukunak ematen ditu testuen itzulpenean. Ia urte bateko lanaren ostean, Wikimediak sortutako Content Translation tresnan barneratu da gaur, eta dagoeneko prest dago itzulpenak egiteko.

Gehiago irakurri

Hezkuntza Programa martxan jarri genuenean, hainbat proiektu Creative Commons lizentziapean jartzeko lanean hasi ginen. Tartean, Berriak egindako hiru proiekturen testua askatzea jarri genuen helburutzat: Espainiako Gerra Zibilari buruzko Oroiteria, GAL 30 urte eta Badok.eus. Azken hau otsailaren 1ean hasiko den #MusikaLehiaketa hilabeteko lehiaketan erabiltzeko tresna ezinbestekoa izango da. Lehiaketa jarri dugu martxan, bai… eta bideo honekin iragarri nahi dugu:

Gehiago irakurri

Wikisource jatorrizko lanak igo eta transkribatzeko Wikimedia fundazioaren proiektua da. Liburutegi libre bat da, Wikipedian egon daitezkeen artikuluen osagarri, baina aukera asko zabaltzen dituena. Euskaraz ez dugu oraindik proiektu hau martxan, nahiz eta badiren “Wikisource eleanitza” deiturikoan euskarazko testu asko. Duen potentziala aztertu eta egin daitekeena ikasteko aukera izango dugu urtarrilaren 26an Donostiako Tabakaleran antolatu dugun ikastaroan.

Gehiago irakurri

Wikipedian hainbat hutsune ditugu, eta horietako batzuk estaltzen saiatuko gara abian dugun Hezkuntza Programaren baitan martxan jarri dugun hilabeteroko lehiaketarekin. Afrikako historiarekin hasiko gara, baina beste hainbat gai jorratuko ditugu aurten: dinosauroetatik gastronomiara, emakumeen historiatik giza anatomiara eta sexualitatetik langile mugimenduaren historiara. Sari bereziak izango dira hilabetero, edizio kopurua kontutan hartuta, norvegierazko Wikipedian diseinatutako bot bat erabilita.

Gehiago irakurri

Urtero ehunka proposamen berri aurkezten dira Durangoko Azokan: diskak, liburuak, aldizkariak, antzerkia… Azoka bat da, baina sortzaileak biltzeko gune bat ere bada. Urtero ehunka sortzailek euren proposamenak aurkezten dituzte Durangon, eta sortzaile horien guztien argazkiak ez ditugu libre, Euskarazko Wikipedian, adibidez, erabili ahal izateko. Azkue Fundazioarekin batera egoera honi buelta emateko soluzio bat eskainiko dugu aurten Durangoko Azokan bertan: Photocall bat. Kulturgileak animatu nahi ditugu bertan argazkia egitera, kultura libreki hedatu ahal izateko.

Gehiago irakurri

Durangoko Azoka dator, urtero kultura eta sorkuntzarekin dugun zita garrantzitsua. Aurten 400 berrikuntza izango dira eskuragarri bertan, baita zuzeneko 200 ekitaldi baino gehiago ere. Tartean, Euskal Wikilarien Kultura Elkarteak abenduaren 8an Wikipedia Eguna antolatu du Kabi@ gunean.

Gehiago irakurri

EHUren Letren Fakultateko itzulpengintza ikasleek “Euskarazko Wikipedia: edizioa, itzulpena” jardunaldian hartu zuten parte, “Axun Aierbe VIII. Itzulpen Mintegiaren” baitan egindako ekimena. Goizeko 9etatik hasita eta egun osoan zehar 28 ikaslek itzulpengintza, hizkuntzalaritza eta euskarara ekarritako obren inguruko artikuluak landu zituzten.

Gehiago irakurri

722 argazki jaso genituen WikiLovesMonuments lehiaketan. Argazkilari profesional batek eta komunikabide bateko editore batek osatutako epaimahaiak lehenengo galbahea egin zuen, 26 argazki aukeratuz bigarren errondarako. Argazki horiek 1etik 5era arte puntuatu behar izan dituzte, ondoren. Eta baditugu jada argazki irabazleak! Euskal Herriko, Bizkaiko eta Bilboko argazki onenei saria ematen zien Azkue Fundazioak. Argazki asko jaso genituen, eta hiru irabazleak Bizkaikoak dira.

Euskal Herriko onena: Egunsentia Gaztelugatxen.jpg
Egilea: Ebaki
Egunsentia Gaztelugatxen

Bizkaiko onena: Bizkaiko zubia gauez
Egilea: Igerrak Elkartea
Bizkaiko zubia gauez

Bilboko onena: San Anton eliza
Egilea: Igerrak Elkartea
San anton eliza

Argazki hauek eta emaitzarik altuena lortu duten hurrengo 7ak nazioarteko txapelketara joango dira. Hauek dira hurrengo 7ak, berdinketa handi batekin.

Narros Jauregia
Egilea: Theklan
Narros Jauregia 2

Donostiako udaletxea
Egilea: Edorta Subijana
Donostiako udaletxea

Konstituzio plaza 03
Egilea: Edorta Subijana
Konstituzio plaza 03

Bizkaia zubia
Egilea: Ebaki
Bizkaia zubia

Konstituzio plaza 02
Egilea: Edorta Subijana
Konstituzio plaza 02

Zorrozako tailerrak
Egilea: Theklan
Zorrozako tailerrak - 1

Jasokundearen Eliza Errenterian elurtua
Egilea: MerZab
Jaskokundearen Eliza Errenteria Elurra

Wikipediaren inguruan sortzen diren programak kudeatzeko tresna da “Dashboard“. Berarekin editatoiak edo ikastetxeetan egiten diren lanak kudeatzeko aukera dago, artikuluak esleitu eta gainbegiratzeko erraztasunak emanez. Ingelesezko artikuluen jarraipena egiteko WhoColor izeneko tresna erabiltzen du sistema honek. Orain euskaraz izango dugu, ingelesa ez den beste hizkuntza batean instalatzen lehenengoa.

Gehiago irakurri